mostafa
Admin
عدد الرسائل : 244
تاريخ التسجيل : 30/11/2008
 |  موضوع: شوية نكت ان شاء الله هاتعجبكم  الأربعاء أغسطس 05, 2009 12:38 am | |
|
السلام عليكم ورحمة الله وبركاته
==================
انا جابلكم شوية نكت ان شاء الله هاتعجبكم
مرة واحد صعيدى محفظته اتسرقت راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة
مرة 2 حرامية حبوا يسرقوا شقةفى واحد نط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية
تهنئة محشش: بمناسبة عيد الام المبارك أهنئكم برمضان جعله الله عليكم زواجا سعيدا وكريسمس خير وكل عام
وانتم بخير بمناسبة السنة الجاية مع تحيات جمعية مرضى الزهايمر
لغز محشش: قطار يمشي 60 كلم في الساعة فكم عصفور في الشجرة اذا كان الببسي ب75 قرش؟
نظرية مسطوول: العلم نور والنور كهربة والكهربة خطر يبقى بنتعلم لية؟
اتنين محششين بيتفرجو على مطش فالمزيع بيقول "دربكه فى الدفاع، دربكه فى خط الوسط، دربكه فى الهجوم، أوبااااا جوة الجون" فالمحشش قال لزميله "إظاهر ان دربكه ده لعيب جامد اوى"
مرة واحد غبى قابل واحد قاله الساعة كام قاله خمسة وخمسة فرد عليه الغبى وقاله ما تعرفشى تقول عشرة وخلاص
مرة واحد غبى ماشي قدام مزرعه لقى مكتوب عليها من بره ((مزرعة عجول)) دخل للبواب وقاله "يا عم انت بتزرعوا العجول ازااااي ؟" البواب شافه غبى قال اراضيه بكلمه علشان يمشي قاله "احنا بنرمي السكر على الارض وتاني يوم بتطلع العجول." روح المسطول البيت ورمى سكر على الارض تاني يوم لقى النمل كتييييييير على الارض قال "يا حلاوة العجول وهي صغيرة"
مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول ده انا
سألوا جحاا:عندك كام سنه؟ قالهم:40. سالوة بعد10سنين :عندك كام سنه ؟ قالهم:40.سالوه اذاى بتقول ان عندك 40سنه وانت قلت كدة من عشر سنين؟ قالهم:اصل كلمة الراجل واحدة
مدرس عربى دخل الفصل قال النهارده حصة املاء .... يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف ؟؟؟ الاستاذ قاله خلاص يا ابنى خليها الخميس
محشش سألوه ليش سموا قناة السويس بهذا الأسم؟
قال:لأن السفن تمشي بسويس بسويس
صعيدى لقا مراتة مع واحد تانى قالولو دي الكاميرا الخفية قالهم يابوى ديه رابع مرة تعملوها فيا
واحد بيقول لصاحبه : شايف الست اللى واقفة هناك دى بتضرب كل يوم جوزها
بالجزمة !! قال له : و عرفت ازاى ؟؟قاله : اصلها مراتى
واحد بيقول لصاحبه : انتهت على ايه الخناقة بينك و بين مراتك امبارح ؟
قاله : هه ...دى جت لغاية عندى و ركعت قدامى !! قال له يا سلام و قالت لك ايه ؟
قاله : قالت لى 'اطلع من تحت السرير يا جبان'
وحده وحشه اوى بتقول لجوزها يا رااااجل مش تصلح شباك الحمام عشان وانا بستحمه الجيران مايشوفنيش قالها: خليهم يشوفوكى عشان يصلحوه على حسابهم
ليه مدرس الانجليزى بيخش الفصل بقلمين؟؟ علشان واحد يكتب بيه و التانى يكتب سى
سئلوا صعيدى : ليه قتلت أبوك
الصعيدى : كانوا عاملين رحلة للأيتام و كنت عايز اروحها
المحققين : طب ليه قتلت عمك ؟
الصعيدى : كنت عايز ابن عمى ييجى معايا
المحققين : طب ليه كنت عايز تنتحر
الصعيدى : أصلهم لغوا الرحلة
مرة واحد اتخانق مع ابوه فساب البيت ومشى ابوه قاله رايح فين مردش علية وراح
موقف تاكسى وركب السواق قاله رايح فين قاله ده انا مقلتش لابويا هقولك انت
مره واحد مسطول ماشى فى الشارع لقى مزيعه بتقوله لو سمحت فين القمر قالها اهوه
قالتلو مبروك كسبت عشرين جنيه قالها فى واحد تانى هناك اهوه
واحدة ست راحت للدكتور قالته يادكتور إبنى مبياكلش كويس قالها طيب بيفطر إيه
قالتله ياعين أمه ياعين أمه بيفطر20 بيضة بس قالها طيب بيتغدى إيه قالتله ياعين
أمه ياعين أمه 30 فرخة بس قالها طيب بيتعشه إيه قالتله ياعين أمه ياعين أمه ورك
خروف بس رد عليها وقالها ياعين أمه ياعين أمه كمان شوية ياكل الدكتور وأمه
مره خمس صعايده داخلين امتحان فجالهم سؤال ما هي عدد ارجل المعزه ؟ كلهم كانوا بيسالوا الدحيح بتاعهم مكنش بيرد عليهم بعد الامتحان بيسألوه انت مكنتش بترد ليه قالهم اصل المراقب كان جنبي معرفتش
اطلع المعزه
مرة واحد سعودي لقى مصباح علاء الدين دعكه طلعله العفريت قاله شبيك لبيك تطلب
ايه: قاله: طلعلي كل المصريين من السعوديه فالعفريت قاله: ليه بس يا عم احنا عملنالك حاجه
واحد صعيدى عينوه مدير ملجأ أيتام اول قرار اخده اجتماع لأولياء الامور
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام لقى الكتكوت مرمي عالأرض والنسور بتحوم حواليه ، الراجل قاله: يا حبيبي انت مت؟ قام الكتكوت وقال له يخرب بيتك بوظت الكمين
بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر، راح الجهاز صفر..
الامريكى: احنا بنفكر نطلع المريخ و نعمل مستوطنات عليه، راح الجهاز صفر..
بلدياتنا: إحنا (بنفكر) ولسه مكملش راح الجهاز صفر
مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك
صعيدي وامريكي الامريكى قال للصعيدي وصلتو فين بالتطورالصعيدي رد وقال ياعم تطور ايه دا اححنا رجعنا لورا سأل الصعيدي الامريكي انتوا وصلتوا فين بالتطور الامريكي قاله احنا وصلنا بالتطور اذا القمر الصناعى عطل في الفضا نقدرنصلحه الصعيدي فكر شوية وقال يااااااااااااااه هو المفك بتاعكم طوله أد ايه
اربعه صعايدة بيلعبوا علي الطريق السريع الي العربيه تخبطه مرتين يطلع بره
واحد شكله وحش قوى قوى قوى عايز يتزوج فراح و اتقدم لواحده فبيقول لابوها انا يا عمى و بلا فخر عملت نفسى بنفسى
رد ابوها وقال : ما انا كمان بقول استحاله تكون خلقة ربنا
مرة اتنين مجانين عايزين يهربوا من مستشفى المجانين قالوا احنا هنعمل خطة..لو السور عالى هنهد منه شوية ونقصره وننط من عليه.. ولو السور قصير هننط من عليه على طول ه..قالو ماشي.. راحوا ما لقوش سور خالص قالو يلا نرجع الخطة فشلت
مره واحد راكب بيجو على الطريق السريع ففاتح فسبق واحد راكب bmw فبتاع الbmw اتجنن ففتح هو كمان فسبقه بعد كده هدى سرعته فبتاع البيجو جاه من جنبه زى الصاروخ وقاله هي البيجو فبتاع الbmw اتجنن تانى ففتح وسبقه وهدى فبتاع البيجو جاه تانى وفتح من جنبه وقاله هي البيجو فقال ده مجنون بئه سيبه فبعد شويه لقاه عامل حادثه فبتاع البيجو بيقوله يا ابن "تييييييت" مش بقولك هي البيجو بتقف ازاى ؟!
واحد صعيدى مات نزله 52 لييييييه ؟!! 2 يأخذوه و 50 بيفهموه ان هو مات
ارجو ان تنال اعجابكم
__________________
| |
|
